Xhemil Bytyçi u lind në Billushë të Prizrenit, me 5 janar të vitit 1941.Shkollimin fillor dhe të mesëm i kreu në Prizren, ndërsa Fakultetin e Mjekësië e kreu në Universitetin e Beogradit në vitin 1968. Paralel me të absolvoi edhe në degën e stomatologjisë të po këtij universiteti. Xhemili ka filluar të merret me shkrime letrare qyshkur ishte gjimnazist. Qysh atëherë kishte filluar të shkruante vjersha, tregime dhe drama.Ishte antar i rregulltë i shoqatës letrare të gjimnazit të atëhershëm .Gjatë studimeve ishte aktiv në grupin letrar dhe muzikor të Shoqatës sënjohur të atëhershme të studentve shqiptarë të Universitetit të Beogradit me emrin "Përpjekja" .Po ashtu ka qenë antar aktiv i grupit muzikor si instumentalist-mandolinist. Pas kryerjes së fakultetit fillon të jep mësim në shkollën e Mesme të Mjekësisë në Prizren .Në vitin 1973 nis punën në Klinikën e Urologjisë të Qendrës Klinike Universitare të Universitetit të Prishtinës, ku punoi deri sa u pensionua.