Tizo, yon ti jennjan ki te vin fòse antre nan yon lekòl prive apre ke paran l te fin genyen nan bòlèt. Kè l ap rache lè li wè ke li pral kite bouk li renmen anpil la ansanm ak zanmi l yo. Paske li te rayi jan zotobre te konn ap panse. Jan li wè yo, se moun ki gen kè grenn, ki panse pou pòch yo ase. Li te vin pè pou l pa parèt lèd devan moun sa yo. Akòz li soti nan yon zòn kote gagè pi enpòtans ke lekòl. Sa te fin fè li pa konnen ki jan pou l te kenbe kò l. Li panse ke li tap pase tout ane lekòl sa poukont li jouk jou li kontre ak jenn fi sa. Yo rele Wòz. Se te pi bon zanmi l, men pi devan yo ap vin mennaj.