bhaarat mein sanvaidhaanik vikaas kee yaatra ke baare vivechan karane vaalee meree is rachana ke antargat british ist indiya kampanee ke ek vyaapaarik sansthaan se lekar bhaarat mein raajaneetik sata ke svaroop ko praapt karane kee kahaanee ko praamaanik pustakon kee sahaayata se saral va subodh svaroop mein prastut kiya gaya hai. yah pustak vartamaan svatantr bhaarat ke sanvidhaan mein roochi rakhane vaale vidyaarthiyon ko aitihaasik svaroop mein aur usake vartamaan sanvidhaan par prabhaav kee spasht vyaakhya karatee hai. british bhaarat kee sanvaidhaanik sanrachanaon ko vibhinn taalikaon kee sahaayata se samajhaaya gaya hai. yah pustak nissandeh vividh pratiyogee pareekshaon kee taiyaaree karane vaale pratibhaagiyon ke lie bhaarateey sanvidhaan ke itihaas se sambandhit bhaag ke lie saphalata praapt karane mein meel ka patthar saabit hogee. isee ke saath yah rachana bhaarateey vishvavidyaalayon evan any mahaavidyaalayon mein itihaas evan raajaneeti vigyaan anushaasan ka adhyayan karane vaale hindee maadhyam ke vidyaarthiyon ke lie bahut upayogee siddh hogee.