(The Welsh novel Camwri Cwm Eryr, originally written and serialised in 1899 but published here as a book for the first time)

"Mae Cwm Eryr yn eiddo i chi drwy ewyllys yr hen Sgweiar," meddai Lloyd, "a feder neb fynd a'r eiddo oddi arnoch chi,

os nad oes-"

"Os nad oes beth?" ebe Jackson, a'i galon bron â neidio i'w safn.

"Os nad oes rhyw flaw yn 'wyllys yr hen Sgweiar, a dydi hynny ddim yn debyg."

Wedi marwolaeth ei dad-yng-nghyfraith, Sgweiar ystâd helaeth Cwm Eryr, llwyddodd Harold Jackson drefnu i'r holl etifeddiaeth ddod i'w ddwylo ef ei hun yn hytrach na'r gwir etifedd, Arthur Wynn. Yn falch, yn ddi-hid ac yn greulon, mae Jackson yn byw bywyd bras, a'i gyfoeth enfawr yn ddiogel... ond ydy hi?

Ail nofel T. Gwynn Jones, cyhoeddywd Camwri Cwm Eryr yn ddienw ar dudalennau Papur Pawb rhwng 1898-99; mae'n ymddangos yma ar ffurf cyfrol am y tro cyntaf erioed. Dyma hanes camwedd a thwyll, gyda dogn o sylwebaeth gymdeithasol am anghydraddoldeb, ac yn Harold Jackson cawn un o gneifion mwyaf dieflig ein llenyddiaeth.

"Mae'r ddeialog yn ystwyth a naturiol, a dyna un peth sy'n ei wneud yn arloeswr ym maes y nofel Gymraeg."

-Alan Llwyd