En tiuj ĉi malfruaj verketoj Engelso klarigas la novan situacion de la germanaj komunistoj (socialdemokratoj) post kiam ili trudis la forigon de la bismarka kontraŭsocialisma leĝo, respondas al la demando, kia estos nun ilia agado en la nove akirita laŭleĝeco. Li analizas la situacion de minacanta mondmilito kaj la sintenon de la marksistoj en tia okazo. Li argumentas por propono, kiun la germana registaro faru al la najbaraj landoj por mallongigi la militservan tempon, kiel proponon por certigi la pacon. Lia pritakso de la forta pozicio de la germanaj socialistoj estas optimisma - per paca evoluo ili akiros la regadon de la lando - kondiĉe ke eblas eviti militon, kiu ja estus mondmilito. Krome la libro prezentas plurajn mallongajn artikolojn kaj artikoletojn, ekz-e pri la germanaj anarĥiistoj.