Darslikda metall kesuvchi dastgohlarda mexanik ishlov berish va yig'ish texnologik jarayonlarini mexanizatsiyalash uchun texnologik moslamalarni hisoblash va loyihalash metodikasi keltirilgan. Mexanik ishlov berish uchun detallarni bazalashda bazalarni, moslamalarni o'rnatuvchi, qisuvchi, kuch yuritmalari va yordamchi elementlarni tanlash va aniqlik hamda kuch hisobini bajarish metodikasi yoritilgan hamda ishlov beriluvchi materiallar, yuzalarning o'lchamlarini aniqligiga qo'yilgan talablar, kesish rejimlarining xossalaridan kelib chiqqan holda asosiy kesuvchi asboblarning turlari, konstruktiv va geometrik parametrlarini hisoblash va optimallashtirish masalalari ko'rib chiqilgan. Kesuvchi asboblarning konstruksiyalarini taxlil qilishda asosiy diqqatni kesuvchi asboblarning afzalliklari va kamchiliklariga qaratildi va ma'lumotnoma materiallarini o'z ichiga olgan.