"Naitala ang nilalamang danas na iniempake sa mga kahon ng pag-aasam at pag-asa." - Dr. Reuel Molina Aguila Daig ng kahit anong bigat ng isang balikbayan box ang damdamin ng bawat OFW, at ang pamilyang naiwan sa kani-kanilang mga tahanan. At sa librong ito naisakahon upang maiparating ang mga mumunting karanasan ng saya at takot sa pagsisimula, ang pag-iisa at pangungulila, ang pighati at pagbabakasali, at higit sa lahat ang pagkakaisa at pagtatagumpay ng ating mga bagong bayani sa ibayong dagat. Hindi kailanman malilimot ang kani-kanilang mga kuwento. Patuloy na pupukaw sa ating mga pandama at magbabalik-bayan sa ating mga puso.