यशस्वी जीवन सुख-समृध्दी आणि यशासारखे सुंदर स्वप्नं प्रत्येकालाच पूर्ण करायचे आहेत. सकारात्मक जीवनाला मध्यवर्ती केंद्र समजून मार्गक्रमण करायचे एकदा ठरविले की, सभोवतालची परिस्थिती त्यानुसार बदलतेच पण प्रत्येक पाऊल आनंदाच्या दिशेनं पडू लागतं. हे यामुळे शक्य होतं की, आपण विचार करतो त्यापेक्षा अधिक धाडसी आणि प्रभावशाली असतो. ही केवळ सांगण्याची गोष्ट नाही तर ही चमत्कारीक गोष्ट आपल्यामध्ये असते आणि शेवटपर्यंत आपल्यासोबत असते. यश अपयशामध्ये फरक असलाच तर तो असतो आपल्या विचार करण्याच्या पध्दतीचा. सकारात्मक विचार बाळगून आपण प्रत्येक काम व्यवस्थित करू शकतो. कोणत्याही व्यक्तिने यशस्वी होण्याची मनिषा शेवटपर्यंत बाळगली पाहिजे. कारण कुलूप तयार होण्यापूर्वीच त्याची चावी तयार असते. अगदी याचप्रमाणे ईश्वर देखील प्रत्येकाला त्याचं उद्दिष्ट पूर्णत्वास नेण्यासाठी मार्गही उपलब्ध करून देत असतो. रचनात्मक विचारामुळे आपल्यामध्ये असा सकारात्मक विचार जन्मास येतो ज्यामुळे आपलं मन आनंदाने भरून जातं. पॉझिटिव्ह लाईफ आपल्या जादूने कोणत्याही सामान्य माणसाच्या मन- हृदयात उत्साह तर भरतेच पण त्याला त्यांच्या महान