Historitë dhe karakteret e personazheve trajtohen dhe zhvillohen përreth individualitetit dhe rrëfimit të personazhit kryesor, i cili quhet T. Në kushtet kur realiteti aktual bëhet për të një bllok i padepërtueshëm, për arsyen se njëri nga shokët e tij të fëmijërisë përfundon në qeli si i pandehur, si rrjedhojë e atrofizimit të sistemit të drejtësisë, që për shkak të paaftësisë dhe korrupsionit godet më të pambrojturit në një shoqëri, për të mbuluar krimet e pushtetarëve, ai thërret në ndihmë të shkuarën e tij.