Sa pamamagitan ng Biblia, malalaman natin na nasa ilalim ng kapangyarihan ng Diyos kahit ang mga karamdaman, na pinoprotektahan Niya ang sinumang kumikilala sa Pangalan Niya sa anumang karamdaman, at ang mga karamdamang iyon ay darating sa mga makasalanan dahil tatalikuran Niya ang mga taong ito.

Para gumaling at maging malusog, kinakailangan ng bawa't isa sa atin na maunawaan kung saan nagmumula ang mga karamdamang ito at kung papaano tayo gagaling. Ang ebanghelyo at ang katotohanan ay palaging may dalawang panig: sumpa at kaparusahan ang nakalaan sa mga taong hindi tatanggap nito, habang pagpapala at buhay ang naghihintay sa mga taong tatanggap dito. Kalooban ng Diyos na ang katotohanan ay maikubli sa mga taong tulad ng mga Fariseo at mga guro ng kautusan, na nagsasabing marurunong at matatalino sila; kalooban din ng Diyos na maihayag ang katotohanan sa mga tulad ng mga sanggol, nagnanais nito, at bukas ang puso para dito (Lucas 10:21).