Isang napakagandang halimbawa at paglalarawan ng 'espirituwal na pag-ibig' ang ika-13 kabanata ng 1 Mga Taga-Corinto. Sinasabi nito sa atin ang tungkol sa pag-ibig ng Diyos na ibinigay ang bugtong Niyang Anak para iligtas tayong mga nakatakdang mamatay dahil sa kasalanan. Tungkol din ito sa pag-ibig ng Panginoon na iniwan ang kaluwalhatian Niya sa Langit at namatay sa krus dahil sa pag-ibig Niya para sa atin. Kung gusto din nating ihatid ang pag-ibig ng Diyos sa napakaraming kaluluwang mamamatay dito sa mundo, dapat nating maunawaan ang espirituwal na pag-ibig at isabuhay ito.