Kondima oyo Nzambe Andimaka ezali kondima na mosuni te oyo elandanaka na misala na kondima te, kasi kondima ya molimo oyo elandisamaka na misala oyo. Kondima ya mosuni ekoki kozuama kaka na koyoka mpe koyekola Liloba na Nzambe mpe kokanga mpe kofandisa yango lokola mayebi. Kasi, tokoki te kozwa kondima ya molimo kaka mpo ete tolingi yango. Kondima ya molimo ekoki kaka kozwama na Nzambe (Baloma 12:3).

Na kala, nabondela mpona kozwa bimoniseli na ba makomi kati na Biblia, maye mazalaki pasi mpona kososola. Nde, mokolo moko, Nzambe Abandaki kolimbolela ngai ba sekele na mokili na molimo. Atika ngai koyeba ete kondima na moko na moko ekesana, mpe bato bakozwa bisika ya kobika na Lola kolandana na bitape kati na kondima na bango.